Հրազդանի համայնքապետարանը առաջարկում է պայմանագրային հիմունքներով համագործակցություն՝ ՀՀ քաղաքացիական օրենսգրքի 453-րդ հոդվածի պահանջներին համապատասխան, հրապարակային օֆերտայի հիման վրա՝ Հրազդան համայնքի ավագանու 2025 թվականի փետրվարի 11-ի «Հրազդան համայնքի 2025 թվականի համայնքային սոցիալական ծրագիրը հաստատելու մասին» N 15 որոշմամբ հաստատված կարգի պահանջները կատարելու նպատակով:

  Հրազդանի համայնքապետարանը սոցիալապես անապահով քաղաքացիների համար առաջնային անհրաժեշտության պարագաների ձեռքբերման վերաբերյալ համագործակցության համար առաջարկում է մթերային, դեղորայքային, հիգիենայի, առաջին անհրաժեշտության պարենային և կենցաղային այլ ապրանքների մատակարարմամբ ու վաճառքով զբաղվող ընկերություններին դիմել համայնքապետարան՝ մինչև 2025 թվականի նոյեմբերի 28-ը:

  Նպատակն է համայնքի կյանքի դժվարին իրավիճակում հայտնված անձանց, ընտանիքներին, առավել խոցելի խմբերին ցուցաբերել հրատապ և նպատակային աջակցություն՝ բարելավելով նրանց կենցաղային պայմանները և ապահովելով կենսական նվազագույն պահանջները։

  Համագործակցության առաջարկները կարող են ներկայացվել  թղթային կամ էլեկտրոնային տարբերակով՝ հետևյալ հասցեներով․

Հասցե՝ ՀՀ, Կոտայքի մարզ, ք. Հրազդան, Սահմանադրության հրապարակ 1, վարչական շենք, 6-րդ հարկ, Հրազդանի համայնքապետարանի աշխատակազմի սոցիալական աջակցության և երիտասարդության հարցերի բաժին,

Էլ․ հասցե info@hrazdan.am :

Լրացուցիչ տեղեկատվության համար զանգահարել`  +37460704021 և +37493478049 հեռախոսահամարներով:

ՏԵԽՆԻԿԱԿԱՆ ԲՆՈՒԹԱԳԻՐ - ԳՆՄԱՆ ԺԱՄԱՆԱԿԱՑՈՒՅՑ