Հրազդան համայնքի ավագանու 2024 թվականի հուլիսի 9-ի N 109 որոշմամբ հաստատվեց «Համայնքի ղեկավարին կից կանանց և երիտասարդների խորհրդակցական մարմնի (ԿԵԽՄ) ձևավորման և գործունեության կարգը»: Հղումն՝ այստեղ։
ԿԵԽՄ նպատակն է՝ նպաստել համայնքում տեղական ինքնակառավարման արդյունավետության բարձրացմանը, համայնքային նշանակության հանրային խնդիրների լուծմանը՝ ապահովելով համայնքի քաղաքացիական ակտիվություն ցուցաբերող կանանց և երիտասարդների (16-35 տարեկան) մասնակցությունը տեղական ինքնակառավարմանը:
Եթե համայնքում տեղական ինքնակառավարման արդյունավետության բարձրացման, համայնքային նշանակության հանրային խնդիրների լուծման և որոշումների կայացման գործընթացով հետաքրքրված եք, ապա խնդրում ենք լրացնել ԿԵԽՄ անդամ դառնալու հայտադիմումը այս հղումով՝ https://forms.gle/CNDUQJoLz6Ej5pBE9, կամ մոտենալ Հրազդանի համայնքապետարանում գործող քաղաքացիների սպասարկման գրասենյակ` տեղում լրացնելով անդամակցության հայտը:
Հայտադիմումների ընդունման վերջնաժամկետ՝ հուլիսի 31:
Կանանց և երիտասարդների խորհրդակցական մարմինը (ԿԵԽՄ) գործում է ՄԱԿ-ի Զարգացման ծրագրի՝ Միացյալ Թագավորության Լավ կառավարման հիմնադրամի ֆինանսավորմամբ իրականացվող «Կանայք քաղաքականության, հանրային կառավարման և քաղաքացիական հասարակության մեջ» ծրագրի շրջանակում, որն իրականացվում է ՀՀ տարածքային կառավարման և ենթակառուցվածքների նախարարության և ՕքսԵՋեն հիմնադրամի հետ համագործակցությամբ։