«Հրազդանի թիվ 16 նախադպրոցական ուսումնական հաստատություն» համայնքային ոչ առևտրային կազմակերպությունը հայտարարում է մրցույթ հատուկ մանկավարժ (լոգոպեդ, սուրդոմանկավարժ, օլիգոմանկավարժ,տիֆլոմանկավարժ) (0,5 դրույք) և հոգեբանի (0,5 դրույք) թափուր պաշտոնների համար: Մրցույթը կազմակերպվում և անցկացվում է Հայաստանի Հանրապետության կրթության, գիտության, մշակույթի և սպորտի նախարարի 2022թ. փետրվարի 17-ի «Նախադպրոցական ուսումնական հաստատության մանկավարժական աշխատողների ընտրության (նշանակման) կարգը հաստատելու մասին» N08-Ն հրամանի համաձայն: Մրցույթն անցկացվում է երկու փուլով` թեստավորման և հարցազրույցի: Յուրաքանչյուր փուլի համար Հայաստանի Հանրապետության կրթության, գիտության, մշակույթի և սպորտի նախարարության կողմից մշակվում է հարցաշար՝ պաշտոնների անվանացանկին համապատասխան: Հարցաշարերը հաստատվում են Հայաստանի Հանրապետության կրթության, գիտության, մշակույթի և սպորտի նախարարի հրամանով և հրապարակվում նախարարության պաշտոնական կայքէջում: Հարցազրույցի փուլն անցկացվում է նույն օրը՝ թեստավորման փուլի արդյունքների հրապարակումից հետո: Հանձնաժողովը յուրաքանչյուր մասնակցի հետ հարցազրույցի փուլն անցկացնում է առանձին: Մրցույթին կարող է մասնակցել հաստատության տվյալ թափուր պաշտոնների նկարագրի պահանջներին համապատասխանող անձը:

Որակավորման պահանջները`

հաստատության հատուկ մանկավարժի պաշտոնն զբաղեցնողը պետք է ունենա բարձրագույն մասնագիտական կրթություն` համապատասխան որակավորմամբ:

հաստատության հոգեբանի պաշտոնն զբաղեցնողը պետք է ունենա բարձրագույն մասնագիտական կրթություն:       Մրցույթին մասնակցելու համար անձը տնօրենին կամ տնօրենի կողմից նշանակված պատասխանատու աշխատակցին է ներկայացնում`

1) դիմում (Ձև 1).

2) կրթության մասին փաստաթուղթ (դիպլոմ).

3) անձը հաստատող փաստաթուղթ.

4) աշխատանքային ստաժի վերաբերյալ տեղեկանք կամ աշխատանքային գրքույկ (առկայության դեպքում).

5) ինքնակենսագրություն (Ձև 4).

6) մեկ լուսանկար` 3x4 չափի.

7) այլ պետությունների քաղաքացիները` Հայաստանի Հանրապետությունում աշխատելու իրավունքը հավաստող փաստաթուղթ.

8) Հայաստանի Հանրապետության արական սեռի քաղաքացիները ներկայացնում են նաև զինվորական գրքույկ կամ զինվորական կցագրման վկայական.

9) հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում):

Տնօրենի կողմից նշանակված պատասխանատու անձը ներկայացված փաստաթղթերի բնօրինակները համեմատում է պատճենների հետ, բնօրինակները՝ վերադարձնում:

Եթե ներկայացված փաստաթղթերի ցանկն ամբողջական չէ կամ առկա են թերություններ, Մասնակիցը կարող է մինչև փաստաթղթերի ընդունման ժամկետի ավարտը վերացնել թերությունները և համալրել փաստաթղթերի ցանկը:   Մրցույթին մասնակցելու իրավունք չունի այն անձը, որը`

1) դատական կարգով ճանաչվել է անգործունակ կամ սահմանափակ գործունակ.

2) դատական կարգով զրկվել է մանկավարժական գործունեությամբ զբաղվելու իրավունքից.

3) տառապում է ՀՀ կառավարության կողմից հաստատված այնպիսի հիվանդությամբ, որը կարող է խոչընդոտել մանկավարժական գործունեության իրականացմանը.

4) դատապարտվել է հանցագործության համար, և դատվածությունը սահմանված կարգով հանված կամ մարված չէ, բացառությամբ այն դեպքերի, երբ դատապարտվել է ոչ դիտավորյալ հանցագործություն կատարելու համար:     Փաստաթղթերն ընդունվում են 16.10.2024թ. մինչև 15.11.2024թ. ներառյալ՝ յուրաքանչյուր աշխատանքային օր ժամը՝ 9:00-17:00 «Հրազդանի թիվ 16 ՆՈՒՀ» ՀՈԱԿ-ում, հասցեն` Կենտրոն թաղամաս 73:

  Մրցույթը տեղի կունենա 2024թ.-ի նոյեմբերի 20-ին, ժամը 11:00 ին «Հրազդանի թիվ 16 ՆՈՒՀ » ՀՈԱԿ-ում, հասցեն` Կենտրոն թաղամաս 73 : Տեղեկությունների համար զանգահարել` 093-56-81-53: