Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 18-րդ կետով, «Տեղական տուրքերի և վճարների մասին» օրենքի 8-րդ հոդվածի 2-րդ մասով, 12-րդ և 14-րդ հոդվածներով, «Աղբահանության և սանիտարական մաքրման մասին» օրենքի 14-րդ հոդվածով, <<Ավտոտրանսպորտային միջոցների կայանատեղերի տեղական վճարի մասին>> օրենքի 10-րդ հոդվածով և Կառավարության 2005 թվականի դեկտեմբերի 29-ի թիվ 2387-Ն որոշման 1-ին կետով հաստատված հավելվածի 49-րդ կետով.

1.Սահմանել Հրազդան համայնքի տեղական տուրքերի և վճարների 2020 թվականի դրույքաչափերը` համաձայն սույն որոշման հավելվածի:
2. Սույն որոշմամբ սահմանված թույլտվությունների տրամադրումը, գործողությունների կատարումը կամ ծառայությունների մատուցումը կարող է մերժվել, եթե`
1) չեն ներկայացվել օրենսդրությամբ սահմանված փաստաթղթերը.
2) տեղական տուրքի կամ վճարի համար սահմանված վճարումը կատարված չէ.
3) թույլտվություն կամ ծառայությունների մատուցում հայցող անձն ունի ժամկետանց պարտավորություններ համայնքի նկատմամբ:
3. Ուժը կորցրած ճանաչել Հրազդան համայնքի ավագանու 2018 թվականի դեկտեմբերի 14-ի «Հրազդան համայնքի տեղական տուրքերի և վճարների 2019 թվականի դրույքաչափերը սահմանելու մասին» N 159-Ն որոշումը:
4.Սույն որոշումն ուժի մեջ է մտնում 2020 թվականի հունվարի 1-ին: