| Նպատակ | Հրազդանի համայնքապետարանը, նպատակ ունենալով արձագանքել համայնքի բնակչությանը հանդիպող յուրահատուկ սոցիալական մարտահրավերներին, միաժամանակ խթանելով բնակիչների մասնակցությունը և ներգրավվածությունն այդ հարցերի նույնականացման և դրանց արձագանքման գործընթացում՝ նախաձեռնեց Հրազդան համայնքի տեղական սոցիալական ծրագրի (այսուհետ՝ ՏՍԾ) մշակման աշխատանքները՝ համայնքային կառույցների և համայնքի բնակիչների մասնակցությամբ։ Մասնավորապես, ՏՍԾ հենքով համայնքի բնակչության սոցիալական պաշտպանության կազմակերպումը դիտարկելով որպես համայնքային մակարդակում սոցիալական ծառայությունների պլանավորման գործիք, որը միտված է լրացնելու պետական և հասարակական սեկտորներում սոցիալական ոլորտի ծառայությունների (կրթություն, առողջապահություն, սոցիալական պաշտպանություն) իրավասություններից դուրս մնացած հարցերի լուծումը, որոնք սոցիալական խնդիրներ են առաջացնում բնակչության համար։ Նմանատիպ խնդիրների արդյունավետ լուծման համար սույն ՏՍԾ-ն հիմնվում է սոցիալական խնդիրների լուծման հարցում պետական կառավարման, տեղական ինքնակառավարման մարմինների, մասնավոր հատվածի և քաղաքացիական հասարակության գործողությունների համատեղման ու ներդաշնակեցման սկզբունքի վրա: Սույն փաստաթղթում ամփոփված են համայնքային քննարկումների ընթացքում նույնականացված առավել նշանակալի խնդիրներն ու դրանց արձագանքման ծրագրերը: |