Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, «Քաղաքաշինության մասին» օրենքի 143-րդ հոդվածով, Կառավարության 2011 թվականի դեկտեմբերի 29-ի N1918-Ն և N1920-Ն որոշումներով, հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի Հայաստանի Հանրապետության Կոտայքի մարզի Հրազդան համայնքը (Հրազդան քաղաքը) ներառող միկրոռեգիոնալ մակարդակի համակցված տարածական պլանավորման փաստաթղթի փոփոխության վերաբերյալ 2024 թվականի նոյեմբերի 18-ի N2/փ-425 դրական եզրակացությունը և հիմք ընդունելով «Տ-ՄԵՏԱԼ» փակ բաժնետիրական ընկերության գլխավոր տնօրեն Աշոտ Մարկոսյանի 2024 թվականի օգոստոսի 14-ի դիմումը.

  1. Հավանություն տալ Հրազդան քաղաքի վարչական սահմաններում գտնվող՝ Կոտայքի մարզի Հրազդան համայնքի Հրազդան քաղաքի Գործարանային փողոց 1/13 հասցեում «Տ-ՄԵՏԱԼ» փակ բաժնետիրական ընկերությանը վարձակալության իրավունքով տրամադրված (անշարժ գույքի նկատմամբ իրավունքների պետական գրանցման վկայական N 02052024-07-0118, գաղտնաբառ՝ QTBYABKGJJ8L) էներգետիկայի, տրանսպորտի, կապի, կոմունալ ենթակառուցվածքների օբյեկտների նշանակության 8.28055հա մակերեսով հողամասի նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության, իսկ գործառնական նշանակությունը՝ արդյունաբերական օբյեկտների՝ արտադրություն կազմակերպելու նպատակով:
         2.Առաջարկել Հրազդան համայնքի ղեկավարին՝ ապահովել սահմանված կարգով հողամասի նպատակային նշանակության փոփոխությունը պետական գրանցում ստանալուց հետո ընդգրկելու Հրազդան համայնքի հողային ֆոնդի տարեկան ընթացիկ հաշվառման տվյալներում, համայնքի հողային հաշվեկշռում և արտացոլելու համայնքի ընթացիկ քաղաքաշինության քարտեզում:
   3.Սույն որոշումն ուժի մեջ է մտնում ստորագրման օրվանից: