Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 18-րդ կետի, «Տեղական տուրքերի և վճարների մասին» օրենքի 10-րդ հոդվածի 1-ին մասի 13-րդ և 14-րդ կետերի՝ 1.Հրազդանի համայնքապետարանի ենթակայության նախադպրոցական ուսումնական հաստատությունների ծառայություններից օգտվող մեկ երեխայի համար մատուցած ծառայությունների դիմաց տեղական վճարի չափը յուրաքանչյուր ամսվա համար սահմանել 4400 (չորս հազար չորս հարյուր) հայկական դրամ: 2.Հրազդանի համայնքապետարանի ենթակայության արտադպրոցական դաստիարակության հաստատությունների /երաժշտական և արվեստի դպրոցներ/ ծառայություններից օգտվող մեկ երեխայի համար մատուցած ծառայությունների դիմաց տեղական վճարի չափը յուրաքանչյուր ամսվա համար սահմանել 3000 (երեք հազար) հայկական դրամ, նկարչական բաժնում ՝ 2000 (երկու հազար) հայկական դրամ: 3.Հրազդանի համայնքապետարանի ենթակայության նախադպրոցական ուսումնական հաստատությունների ծառայությունների դիմաց տեղական վճարը զեղչել 50 տոկոսի չափով. 1)միևնույն ընտանիքից երկու և երեք երեխաների հաճախելու դեպքում՝ երկրորդ և երրորդ երեխաների համար 2)բազմազավակ, չորս և ավել անչափահաս երեխաներ ունեցող ընտանիքների երեխաների համար 3)միակողմանի ծնողազուրկ երեխաների համար 4)դատարանի վճռով ծնողներից մեկին անգործունակ ճանաչած ընտանիքների երեխաների համար 5)Արցախյան ազատամարտի մասնակիցների, հիվանդության և աշխատանքային հաշմանդամության կարգ ունեցող ծնողների երեխաների համար: 4.Հրազդանի համայնքապետարանի ենթակայության արտադպրոցական դաստիարակության հաստատությունների (երաժշտական և արվեստի դպրոցների) ծառայությունների դիմաց տեղական վճարը զեղչել 50 տոկոսի չափով. 1) բազմազավակ, չորս և ավել անչափահաս երեխաներ ունեցող ընտանիքների երեխաների համար 2) միակողմանի ծնողազուրկ երեխաների համար 3)Արցախյան ազատամարտի մասնակիցների, հիվանդության և աշխատանքային հաշմանդամության կարգ ունեցող ծնողների երեխաների համար: 5.Հրազդանի համայնքապետարանի ենթակայության նախադպրոցական ուսումնական հաստատությունների և արտադպրոցական դաստիարակության հաստատությունների կողմից մատուցվող ծառայությունների դիմաց տեղական վճարը զեղչել 100 տոկոսի չափով երկկողմանի ծնողազուրկ երեխաների համար: 6.Հրազդանի համայնքապետարանի ենթակայության «Հրազդան համայնքի մանկապատանեկան մարզադպրոց» բյուջետային հիմնարկ, «Հրազդան համայնքի Վ. Զաքարյանի անվան երիտասարդական մարզամշակութային ուսումնական կենտրոն» բյուջետային հիմնարկ և «Հրազդան համայնքի մանկապատանեկան ստեղծագործական կենտրոն» բյուջետային հիմնարկ հաճախող երեխաների մարզումները և ուսուցումն իրականացնել անվճար: 7.Ուժը կորցրած ճանաչել Հրազդան համայնքի ավագանու 2017 թվականի դեկտեմբերի 15-ի «Հրազդանի համայնքապետարանի ենթակայության արտադպրոցական դաստիարակության և նախադպրոցական ուսումնական հաստատությունների կողմից 2018 թվականին մատուցվող ծառայությունների դիմաց տեղական վճարի և կիրառվող զեղչերի չափերը հաստատելու մասին» N119-Ն որոշումը: 8. Սույն որոշումն ուժի մեջ է մտնում 2019 թվականի հունվարի 1-ին: |