Համաձայն Հողային օրենսգրքի 89-րդ հոդվածի, Քաղաքացիական օրենսգրքի 605-րդ հոդվածի, «Տեղական ինքնակառավարման մասին» օրենքի 18 հոդվածի 1-ին մասի 21 կետի, հիմք ընդունելով Կոտայքի մարզպետի 2020 թվականի հունվարի 15-ի N 01/12/00215-2020 թվականի գրությունը և «Հրազդանի N2 հիմնական դպրոց» պետական ոչ առևտրային կազմակերպության տնօրենի 2020 թվականի մարտի 16-ի գրությունը․ 1. Հայաստանի Հանրապետության Կոտայքի մարզի Հրազդան քաղաքի Հարավային թաղամասի Սպանդարյան փողոց 72/3 հասցեում գտնվող համայնքային սեփականություն հանդիսացող, բնակավայրերի նպատակային նշանակության հասարակական կառուցապատման գործառնական նշանակության 0․21312 հա մակերեսով հողամասը և դրա վրա առկա կիսաքանդ շինությունը (կադաստրային ծածկագիր՝ 07-001-0613-0120) նվիրաբերել Հայաստանի Հանրապետությանը՝ Հրազդանի N 2 հիմնական նոր դպրոցի կառուցման, սպասարկման, պահպանման և շահագործման նպատակով։ 2.Օրենսդրությամբ սահմանված կարգով կնքել նվիրաբերության պայմանագիր և պայմանագրից ծագող իրավունքները ներկայացնել պետական գրանցման: 3․Գործարքի կատարման ընթացքում առաջացած բոլոր ծախսերը ենթակա են կատարման «Հրազդանի N2 հիմնական դպրոց» պետական ոչ առևտրային կազմակերպության կողմից: |