«Հրազդան ՋԷԿ» ԲԲԸ-ի նկատմամբ պարտքը գոյացել է 2006 թվականին, սակայն բյուջեի սղության պատճառով անհնար է եղել վճարել պարտքը և պարտքի վճարումը պարբերաբար հետաձգվել է՝ վճարման սկիզբ սահմանելով 2019 թվականը: 2019 թվականի բյուջեում նախատեսված մուտքերը բավարարում են համայնքի առջև ծառացած բազմաբնույթ սոցիալական խնդիրները լուծելու և քաղաքի քայքայված տնտեսությունը աստիճանաբար վերականգնելու համար: Գիտակցելով, որ 2019 թվականից նշված պարտքը մարելու պարագայում ոչ միայն հնարավոր չէ կատարել լրացուցիչ աշխատանք նախադպրոցական ուսումնական կրթության, մշակույթի և կենսականորեն առաջնային այլ ոլորտներում, այլ նաև հնարավոր չի լինի պահպանել արդեն ունեցածը: Ելնելով վերոգրյալից և ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 6-րդ և 42-րդ կետերի և հիմք ընդունելով համայնքի ղեկավարի առաջարկությունը. Խնդրանքով դիմել «Հրազդան ՋԷԿ» ԲԲԸ-ի բաժնետերերին և տնօրինությանը՝ Հրազդան համայնքի ունեցած 221 843 900 /երկու հարյուր քսանմեկ միլիոն ութ հարյուր քառասուներեք հազար ինը հարյուր/ դրամի չափով պարտքը զիջելու համար: |