Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետով, 481-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ, 42-րդ կետերով, «Քաղաքաշինության մասին» օրենքի 143 -րդ հոդվածի 9-րդ մասով, Կառավարության 2011թվականի դեկտեմբերի 29-ի N1920-Ն, 2007 թվականի դեկտեմբերի 27-ի N1597-Ն որոշումներով և 2001 թվականի ապրիլի 12-ի թիվ 286 որոշմամբ հաստատված կարգի 8-րդ բաժնի 46.2-րդ կետով, հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի Կոտայքի մարզի Հրազդան համայնքի գլխավոր հատակագծում առանձին հողամասի նպատակային և գործառնական նշանակության փոփոխության վերաբերյալ 2022 թվականի սեպտեմբերի 28-ի N 1/փ-206 դրական եզրակացությունը․ 1.Հրազդան համայնքին սեփականության իրավունքով պատկանող Հրազդան քաղաքի վարչական տարածքում գտնվող 2.0հա մակերեսով /կադաստրային ծածկագիր՝ 07-001-0784-0018/ գյուղատնտեսական նպատակային նշանակության հողամասի նպատակային նշանակությունը փոփոխել բնակավայրերի հողեր նպատակային նշանակության, գործառնական նշանակությունը՝ ընդհանուր օգտագործման հողերի:
2.Սույն որոշման 1-ին կետում նշված հողամասի նպատակային և գործառնական նշանակության փոփոխությունը պետական գրանցում ստանալուց հետո թույլատրել մրցութային կարգով կառուցապատման իրավունքով օգտագործման տրամադրել Հրազդան համայնքին սեփականության իրավունքով պատկանող, Հայաստանի Հանրապետության հողային օրենսգրքի 60-րդ հոդվածի ցանկում ընդգրկված, 07-001-0784-0018 կադաստրային ծածկագրով, 2.0հա մակերեսով բնակավայրերի ընդհանուր օգտագործման հողամասը՝ 100 000(մեկ հարյուր հազար) դրամ մեկնարկային վարձավճարով, 3 /երեք/ տարի ժամկետով: Մրցույթի մասնակցության մուտքի վճարը սահմանել 10 000(տասը հազար) դրամ, մեկ քայլի չափը սահմանել մեկնարկային գնի 5%-ի չափով:
3.Սույն որոշումն ուժի մեջ է մտնում ստորագրման օրը: |