Հերթական գործակարգավարական խորհրդակցության ընթացքում զեկուցվեց հետևյալի մասին.
Ամենօրյա պարբերականությամբ մաքրվում են ինչպես գլխավոր, այնպես էլ երկրորդական ու ներհամայնքային ճանապարհները. անհրաժեշտության դեպքում վաղ առավոտյան փողոցները լվացվում են ապահովելով քաղաքի թարմությունն ու մաքրությունը:
Հետևողականորեն պահպանվում է նաև զբոսայգիների, եղևնիների պուրակի, հուշահամալիրների մաքրությունը: Փոշուց ու աղբից մաքրվում են կանգառներն ու բակերը:
Քաղաքի աղբահանությունը ևս իրականացվում է ամենօրյա պարբերականությամբ: Աղբատար մեքենաները աղբը հեռացնում են թե փողոցներից, թե բակերից:
Բոլորովին վերջերս էլ կենտրոնական գերեզմանատան մուտքերում անվտանգության նկատառումներից ելնելով տեղադրվեցին տեսախցիկներ որոնք կկանխարգելեն հետագա գողություններն ու անկարգությունները:
Հընթացս քննարկվեցին այլևայլ հարցեր, համայնքի ղեկավարի կողմից էլ տրվեցին հանձնարարականներ ամենօրյա պարբերականությամբ զեկուցել համայնքում ընթացող շինարարական աշխատանքների մասին, ինչպես նաև համայնքի սեփական եկամուտների հավաքագրման վերաբերյալ: |