| Բովանդակություն * | Աշխատանքային խորհրդակցությանը մասնակցում էին համայնքի ղեկավարի առաջին տեղակալը, աշխատակազմի քարտուղարը, համայնքի ղեկավարի խորհրդականը, համայնքի ղեկավարի օգնականը, բաժնի պետերը, վարչական ղեկավարները, համատիրության նախագահներն ու այլ աշխատակիցներ: Քննարկվեցին մի շարք հարցեր, համայնքի ղեկավարի կողմից տրվեցին հանձնարարականներ:
Այս տարի ևս նախատեսվում է արտաքին լուսավորության ցանցի ընդլայնում և էներգախնայող համակարգի կառուցում: Կատարվում են ընթացիկ աշխատանքներ, ըստ անհրաժեշտության տեղադրվում են LED լուսատուներ: Աշխատանքներն իրականացվում են «Հրազդանքաղլույս» ՀՈԱԿ-ի կողմից:
Համայնքի երաժշտական և արվեստի դպրոցներում կատարվում են ինչպես նորոգման , այնպես էլ ջեռուցման համակարգի կառուցման աշխատանքներ:
Բազմաբնակարան շենքերի տանիքների կապիտալ նորոգման համար, ինչպես նաև տանիքների մասնակի վերանորոգման համար, այս տարի ևս ձեռք կբերվի թիթեղ ու իզոգամ, և ըստ անհրաժեշտության կտրամադրվի համայնքի բնակիչներին:
Մոդուլային ժամանակակից մանկապարտեզի կառուցման շինարարական աշխատանքներն ընթացքի մեջ են, նախատեսվում է այն ավարտին հասցնել այս տարվա ամռանը:
Առաջիկայում կիրականացվեն ներհամայնքային ճանապարհների ընթացիկ նորոգման, փոսալցման և գծանշման աշխատանքներ: |