Ղեկավարվելով «Գնումների մասին» օրենքի 20-րդ հոդվածի 4-րդ մասով, հաշվի առնելով, որ սուբվենցիայի շրջանակներում ձեռք բերվող աշխատանքներն անհրաժեշտ է ավարտել 2021 թվականի ընթացքում և հնարավոր չէ տեղափոխել 2022 թվականը` 1. Բաց մրցույթով ձեռք բերվող «Հրազդան համայնքի Թիվ 4 նախադպրոցական ուսումնական հաստատության շենքի վերակառուցման, հիմնանորոգման և թիվ 8 նախադպրոցական ուսումնական հաստատության տանիքի հիմնանորոգման աշխատանքների իրականացում», «Հրազդան համայնքի բակային տարածքների ասֆալտապատման աշխատանքների իրականացում և թաղամասերն իրար միացնող հատվածի աստիճանավանդակի հիմնանորոգում», «Հրազդան համայնքի ներհամայնքային ճանապարհների ասֆալտապատման աշխատանքների իրականացում»և «Հրազդան համայնքի ներհամայնքային ճանապարհների լուսավորության ցանցի արդիականացում» աշխատանքների հայտերի ներկայացման ժամկետը սահմանել 15 օրացույցային օր: 2. Սույն որոշումն ուժի մեջ է մտնում ստորագրման օրը: |