Ղեկավարվելով  «Տեղական ինքնակառավարման մասին» օրենքի 8-րդ հոդվածի 1-ին մասի 14-րդ կետով, 11-րդ հոդվածով և հիմք ընդունելով Հրազդան համայնքի ավագանու 2024 թվականի փետրվարի 6-ի № 06 որոշումը․

1․Հրազդան համայնքում տեղական մասնակցային բյուջետավորման գործընթացների կազմակերպման և իրականացման համար ստեղծել հանձնաժողով՝ համաձայն № 1 հավելվածի։
2․Հաստատել հանձնաժողովի իրավասությունները՝ համաձայն № 2 հավելվածի։
3․ Հաստատել հանձնաժողովի գործունեության կարգը՝ համաձայն № 3 հավելվածի։
4․ Մասնակցային բյուջետավորման գործընթացի ժամանակ ներկայացվող առաջարկների համար սահմանել հետևյալ չափանիշները՝
1)առաջարկը պետք է իրականացվի համայնքի տարածքում,
2)առաջարկի իրականացումը պետք է ներառվի տեղական ինքնակառավարման մարմինների լիազորությունների մեջ,
3)առաջարկի իրականացման համար անհրաժեշտ նախահաշվային գինը չպետք է գերազանցի ավագանու կողմից մասնակցային բյուջետավորման համար հատկացված առավելագույն գումարը,
4)առաջարկով նախատեսվող նախագիծը չպետք է լինի ընթացիկ և արդեն ներառված լինի համայնքի բյուջեում կամ զարգացման ծրագրերում,
5)առաջարկի իրականացումը պետք է լինի տեխնիկապես հնարավոր,
6)առաջարկների գնահատման ժամանակ կարող են դիտարկվել լրացուցիչ չափանիշներ՝ ելնելով ավագանու կողմից սահմանված առաջնահերթություններից։
5․Հաստատել առաջարկների ներկայացման հայտի և նախնական գնահատման աղյուսակի ձևաթղթերը՝ համաձայն № 4, 5 հավելվածների։
6․ Սույն որոշումն ուժի մեջ է մտնում ստորագրման օրը։