Աշխատանքային խորհրդակցությանը մասնակցում էին համայնքի ղեկավարի տեղակալները, աշխատակազմի քարտուղարը, համայնքի ղեկավարի խորհրդականները, օգնականներըը, բաժնի պետերը, վարչական ղեկավարները, համատիրության նախագահներն ու այլ աշխատակիցներ:
1.ՀՖՀՀ Իրավաբանական կլինիկան այժմ արդեն գործում է նաև Հրազդանում: Հայաստանում Ֆրանսիական համալսարանի Իրավաբանական կլինիկայում իրավագիտության ֆակուլտետի ուսանողներն անվճար հիմունքներով իրավաբանական աջակցություն կտրամադրեն այն անձանց, ովքեր ունեն իրենց իրավունքների վերաբերյալ հարցեր: Խորհրդատվությունը տրամադրվում է հիմնականում քաղաքացիական և վարչական իրավունքի ոլորտներում, խորհրդատվություն չի տրամադրվում քրեական ոլորտում և չի իրակացվում դատական ներկայացուցչություն:
2.Գործարկվել է <<Տեսել եմ>> հարթակը: ՀՀ տարածքային կառավարման և ենթակառուցվածքների նախարարության նախաձեռնությամբ ստեղծվել է վերոհիշյալ հարթակը: Այս հարմարավետ գործիքի շնորհիվ յուրաքանչյուր քաղաքացի կարող է ընդամենը մի քանի վայրկյանում համայնքապետարանին փոխանցել նկատած խնդիրները: Համայնքի աշխատակազմը ստանալով ուղարկված տվյալները ձեռնարկում է համապատասխան քայլեր խնդրի լուծման ուղղությամբ, իսկ քաղաքացին անմիջապես տեղեկանում է այդ մասին:
3.Նորակառույց <<Մայրական անկյուն>> մանկապարտեզն իր դռները բացեց փոքրիկների առջև, դառնալով Հրազդան քաղաքի առաջին մոդուլային մանկապարտեզը: Ժամանակակից ու հետաքրքիր լուծումներով, անհրաժեշտ կահ-կարասիով ու գույքով, և որ ամենակարևորն է ապաստարանով նորաբաց մանկապարտեզը շահագործվեց հետայսու ծափ ու ծիծաղով, խինդ ու ժպիտով լցնելու մանկապարտեզի առօրյան: Շատ տպավորիչ էր հատկապես պարտեզի ամբողջ երկայնքով ձգվող խաղահրապարակը, որն անվերջ երեխաներին դուրս պիտի հրավիրի խաղալու, մարզվելու պարզապես վայելելու իրենց անհոգ մանկությունը: |