Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ կետով, Կառավարության 2005 թվականի դեկտեմբերի 29-ի թիվ 2387-Ն, սեպտեմբերի 28-ի թիվ 1831-Ն, 2006 թվականի մայիսի 18-ի թիվ 731-Ն և թիվ 912-Ն որոշումներով հաստատված կարգերով, հիմք ընդունելով Նորիկ Պողոսյանի լիազորված անձ Ռազմիկ Բադասյանի 2024 թվականի ապրիլի 3-ի դիմումը, Հրազդան համայնքի ղեկավարի կողմից հաստատված ԱՁ Աշոտ Հակոբյանի կողմից չափագրված և տրված շինության, դրա սպասարկման և պահպանման համար անհրաժեշտ հողամասի հատակագիծը, չափագրման տվյալների մուտքագրման տեղեկանքը (ծածկագիր` 2023HBXHPM), Հրազդանի համայնքապետարանի աշխատակազմի քաղաքաշինության և հողաշինության բաժնի 2025 թվականի մայիսի 26-ի թիվ 30 մասնագիտական եզրակացությունը.

1.Հրազդան համայնքին պատկանող Հրազդան քաղաքում գտնվող 07-001-0174-0001 ծածկագրով գույքին տրամադրել հասցե` Կոտայքի մարզ, Հրազդան համայնք, քաղաք Հրազդան, Գործարանային փողոց 13:
2.Կոտայքի մարզի Հրազդան քաղաքի Ջրառատ թաղամասի թիվ 477/1 տան բնակիչ Նորիկ Պողոսյանի կողմից ինքնակամ կառուցված Հրազդան քաղաքի Գործարանային փողոց 13 հասցեում գտնվող 50.59քմ արտաքին մակերեսով հասարակական նշանակության առևտրի, հանրային սննդի և կենցաղային սպասարկման շենքը ճանաչել օրինական:
3. Առևտրի, հանրային սննդի և կենցաղային սպասարկման շենքը և դրա սպասարկման ու պահպանման համար նախատեսված 50.5քմ մակերեսով բնակավայրերի հասարակական կառուցապատման հողամասը գրանցել որպես Հրազդան համայնքի սեփականություն:
4.Սույն որոշումն ուժի մեջ է մտնում ստորագրման օրվանից: