Աշխատանքային խորհրդակցությանը մասնակցում էին համայնքի ղեկավարի տեղակալները, աշխատակազմի քարտուղարը, համայնքի ղեկավարի խորհրդականները, համայնքի ղեկավարի օգնականը, բաժնի պետերը, վարչական ղեկավարները, համատիրության նախագահներն ու այլ աշխատակիցներ:
Հրազդանի համայնքապետարանի կողմից հայտարարավել և արդեն իսկ ձեռք է բերվել ու կնքվել է պայմանագիր Ա. Խաչատրյանի անվան թիվ 1 երաժշտական դպրոցի գազաֆիկացման աշխատանքների, պատուհանների տեղադրման և վերանորոգման աշխատանքների համար:
Հրաչյա Քոչարի անվան արվեստի դպրոցի կարիքների համար հայտարարվել ու արդեն ձեռք են բերվել լեդ լուսատուներ, տեղադրման աշխատանքներն ընթացքի մեջ են:
Մանկական ստեղծագործական կենտրոնում ընթացքի մեջ են ջեռուցման համակարգի, ինչպես նաև գազաֆիկացման աշխատանքները, պատուհանները նույնպես փոխվում են:
Հրազդան քաղաքի համար ամանորյա ծրագրի շրջանակներում Սահմանադրության հրապարակը, բոլոր գլխավոր փողոցներն ու գլխավոր տոնածառը զարդարելու համար հայտարարված մրցույթն արդեն իսկ կայացել է:
Քննարկվեց նաև սեփական եկամուտների հավաքագրման ընթացքի մասին: |