Աշխատանքային խորհրդակցությանը մասնակցում էին համայնքի ղեկավարի տեղակալները, աշխատակազմի քարտուղարը, համայնքի ղեկավարի խորհրդականները, համայնքի ղեկավարի օգնականը, բաժնի պետերը, վարչական ղեկավարները, համատիրության նախագահներն ու այլ աշխատակիցներ:
Հրազդան համայնքի կարիքների համար ձեռք են բերվել մարզասարքեր խաղահրապարակներում և բակային տարածքներում տեղադրելու նպատակով:
Կենտրոն թաղամասի 83 բազմաբնակարան շենքի տանիքի վերանորոգման մրցույթը կայացել է, աշխատանքներն ավարտական փուլում են, տանիքը հիմնովին կվերանորոգվի:
Ընթացքի մեջ են Հարավային թաղամասի Միքայելյան 5 բազմաբնակարան շենքի վերելակի կապիտալ նորոգման համար անհրաժեշտ մասերի ձեռքբերման և տեղադրման աշխատանքները:
Հայտարարվել և արդեն կայացել է Լեռնանիստ բնակավայրի ճանապարհների հիմնանորոգման նախագծանախահաշվային փաստաթղթերի կազմման և մշակման աշխատանքների խորհրդատվական ծառայությունների մրցույթ հրավերը: Ինչպես նաև Լեռնանիստ բնակավայրի ջրամատակարարման աշխատանքների բարելավման համար ձեռք են բերվել ջրատար խողովակներ, ճնշման կարգավորիչներ և հիդրանտներ:
Համայնքապետարանի կարիքների համար հայտարարվել է համակարգիչների, բազմաֆուկցիոնալ տպիչ սարքերի մրցույթ հրավեր: Ինչպես նաև Մանկական ստեղծագործական կենտրոնի ջեռուցման աշխատանքների ձեռք բերման, Երվանդ Քոչարի անվան արվեստի դպրոցի սանհանգույցի վերանորոգման և ներքին հարդարման աշխատանքների մրցույթ հրավեր նույնպես հայտարարվել է:
Արդեն կայացել ու պայմանագրի կնքման փուլում է թիվ 15 մանկապարտեզի տանիքի, դռների ու պատուհանների փոխարինման աշխատանքներ և դրանց որակի տեխնիկական հսկողության ծառայությունների մատուցման մրցույթը:
Արդեն կայացել ու աշխատանքների ավարտման փուլում են վարչական շենքի ներքին հարդարման աշխատանքների հատակագծային լուծումների ձևափոխման աշխատանքները, ընթացքի մեջ են թիվ 12,13,16 մանկապարտեզների խոհանոցների վերանորոգման աշխատանքները:
Քննարկվեց նաև սեփական եկամուտների հավաքագրման ընթացքի մասին: |