| Բովանդակություն * | Աշխատանքային խորհրդակցությանը մասնակցում էին համայնքի ղեկավարի տեղակալները, աշխատակազմի քարտուղարը, համայնքի ղեկավարի խորհրդականները, համայնքի ղեկավարի օգնականը, բաժնի պետերը, վարչական ղեկավարները, համատիրության նախագահներն ու այլ աշխատակիցներ:
Բոլորովին վերջերս հանդիսավոր կերպով բացվեց Հրազդանի թիվ 11 մանկապարտեզը: Տևական ժամանակ է ինչ հիմնանորոգվում էր այս պարտեզը, դուռ, լուսամուտ, տանիք ու հատակ ամբողջովին վերանորոգվեց, հները փոխարինվեցին նորերով, ձեռք բերվեց նոր տեխնիկա՝ սառնարան, գազօջախ, փոխվեց ողջ օդափոխության համակարգը, ու որ ամենակարևորն է պարտեզին նվիրաբերվեց գույք, թե մահճակալ, թե սեղան ու աթոռ, դրանք բոլորն էլ աչք շոյող էին իրենց գույներով ու հարմարավետությամբ, ու հետայսու անխտիր բոլոր փոքրիկները պարտեզ կհաճախեն սիրով ու սպասումով, չէ որ այդ տաքուկ մանկապարտեզում իրենց են սպասում գույնզգույն խաղալիքներն ու հոգատար դաստիրակները, ովքեր պատրաստակամ են փոքրիկներին կրթելու, սովորեցնելու, խաղալու ու հիանալի ժամանակ անցկացնելու իրենց գեղեցիկ ու նորաոճ մանկապարտեզում:
Եվս երկու մանկապարտեզ հիմնանորոգման փուլում են , առաջիկայում դրանք ևս կվերաբացվեն:
Եղանակային պայմանների բարելավմանը զուգընթաց ամենօրյա պարբերականությամբ մաքրվում ու պատշաճ տեսքի են բերվում փողոցները, մայթերը, պուրակներն ու զբոսայգիները: Իսկ շատ շուտով կմեկնարկեն սուբվենցիոն ծրագրերով իրականացվող շինարարական աշխատանքները: Քաղաքը կվերածվի մի իսկական շինարարական հրապարակի: Քաղաքը բարեկարգելու ու շենացնելու գործը կրում է շարունակական բնույթ:
Ապրիլի 1-ից 4-ը փոխադարձ այցեությունների շրջանակում Հրազդան կժամանի պատվիրակություն Ֆրանսիայի Հանրապետության Մեյզիո քաղաքից: Այցելությունը կկրի ճանաչողական բնույթ, կլինեն այցեր պատմամշակութային վայրեր ու թանգարաններ:
Քննարկվեց նաև սեփական եկամուտների արդյունքների մասին: |