Ղեկավարվելով «Նորմատիվ իրավական ակտերի մասին» օրենքի 37-րդ հոդվածով և «Տեղական ինքնակառավարման մասին» օրենքի 35-րդ հոդվածի 1-ին մասի 30-րդ կետով, հիմք ընդունելով Հայաստանի Հանրապետության Կոտայքի մարզի Հրազդան համայնքի ավագանու 2025 թվականի փետրվարի 11-ի N 15, 2024 թվականի դեկտեմբերի 10-ի N 220-Ն որոշումները և Հայկական Կարմիր Խաչի ընկերության 2025 թվականի մայիսի 6-ի N 324 գրությունը.

1. Հայաստանի Հանրապետության Կոտայքի մարզի Հրազդան համայնքի ավագանու 2024 թվականի դեկտեմբերի 10-ի «Հրազդան համայնքի 2025 թվականի բյուջեն հաստատելու մասին» N 220-Ն որոշման հավելվածի 8.4.2.55 «Քաղաքական կուսակցություններ, հասարակական կազմակերպություններ, արհմիություններ» ծրագրի 4819 «Նվիրատվություններ այլ շահույթ չհետապնդող կազմակերպություններին» հոդվածով նախատեսված ծախսերից 300000 (երեք հարյուր հազար) դրամ տրամադրել Հայկական Կարմիր Խաչի ընկերությանը՝ 2025 թվականի ծրագրի շրջանակներում 100 միայնակ տարեցների սննդի փաթեթների տրամադրման և սոցիալական միջոցառումներ կազմակերպելու համար:

2. Ուժը կորցրած ճանաչել Հրազդան համայնքի ղեկավարի 2025 թվականի մայիսի 26-ի «Սոցիալական ծառայության կազմակերպման մասին» N 642 որոշումը:

3. Սույն որոշման կատարումը վերապահել Հրազդանի համայնքապետարանի աշխատակազմի ֆինանսատնտեսագիտական բաժնին:

4. Սույն որոշումն ուժի մեջ է մտնում ստորագրման օրվանից: