Հերթական գործակարգավարական խորհրդակցության ընթացքում քննարկվեցին հետևյալ հարցերը.
Համայնքի ղեկավարի գլխավորությամբ կազմված աշխատանքային խումբը` Վ.Սաֆարյան, Ռ.Դանիելյան, Գ.Աբրահամյան, Ա.Այվազյան համայնքի ղեկավարին զեկուցեցին Լեռնային Ղարաբաղից բռնի տեղահանված անձանց վերաբերյալ, նրանց տրամադրվող օգնության ու տարաբնույթ աջակցության մասին:
Գյուղատնտեսության և բնապահպանության բաժնի պետ Վ.Մեսրոպյանը զեկուցեց հետևյալը.
Հեռացվել են չոր ծառերը, որին կհաջորդի աշնանային էտը: Դրանից հետո բնափայտը որպես վառելափայտ կտրամադրվի անապահով ընտանիքներին ինչպես նաև բռնի տեղահանված արցախցիներին:
Պուրակի ձախակողմյան հատվածում նախատեսվում է իրականացնել ծառերի և թփերի տնկում: Սպանդարյան փողոցում ինչպես նաև Միկրոշրջանի 3-րդ և 4-րդ փողոցներում ևս կիրականացվի ծառատունկ:
«Հրազդանքաղլույս» ՀՈԱԿ-ի տնօրեն Ս.Սաֆարյանն էլ զեկուցեց համայնքի արտաքին լուսավորության վերաբերյալ հետևյալը.
Ի թիվս այլ արված աշխատանքների որոշ թաղամասերում ավելացվել են հենասյուներ և լեդ լուսատուներ, մասնավորապես, Կաքավաձորում, Կոճոռում և Ջրառատ թաղամասում: Իսկ Սպանդարյան փողոցում փոխվել են նաև լեդ լուսատուների ճանկերը:
Լեռնանիստ բնակավայրում ևս 3փողոց ունի արդիականացված լուսավորություն:
Սոլակում 2փողոց
Կոճոռում 2փողոց
Վանատուրում 3փողոց
Ջրառատում 4փողոց
Ընդհանուր առմամբ համայնքի տարածքում 50վատ հզորությամբ լեդ լուսատուները փոխարինվել են 100վատ հզորությամբ լեդ լուսատուներով: Այժմ Հրազդան համայնքն ունի 8-10կմ արդիականացված լուսավորության համակարգ:
Հընթացս քննարկվեցին այլևայլ հարցեր, համայնքի ղեկավարի կողմից էլ տրվեցին հանձնարարականներ ամենօրյա պարբերականությամբ զեկուցել համայնքում ընթացող շինարարական աշխատանքների մասին:
|