Համաձայն Հայաստանի Հանրապետության հողային օրենսգրքի 67-րդ և 70-րդ հոդվածների, «Տեղական ինքնակառավարման մասին» օրենքի 43-րդ հոդվածի 1-ին մասի 3-րդ կետի, Կառավարության 2001 թվականի ապրիլի 12-ի թիվ 286 որոշմամբ հաստատված կարգի 5-րդ բաժնի պահանջների և հիմք ընդունելով Հրազդան համայնքի ավագանու 2025 թվականի սեպտեմբերի 9-ի N150 որոշման հավելվածը և 2025 թվականի նոյեմբերի 4-ի հողամասն աճուրդով վաճառելու մասին N3 արձանագրությունը․

1.Կոտայքի մարզի Հրազդան համայնքի Հրազդան քաղաքի Միկրոշրջան թաղամասի 5-րդ փողոց 7/3 հասցեում գտնվող 07-001-0508-0068 կադաստրային ծածկագրով բնակավայրերի հասարակական կառուցապատման 0.024հա մակերեսով հողամասը 1 644 500 (մեկ միլիոն վեց հարյուր քառասունչորս հազար հինգ հարյուր) դրամ արժեքով օտարել Արմավիրի մարզի Մայիսյան գյուղի Ա.Հակոբյան փողոց թիվ 63 տան բնակիչ Արտակ Սպարտակի Ալավերդյանին՝ առևտրի, հանրային սննդի և կենցաղային սպասարկման շենք կառուցելու նպատակով:
2.Աճուրդով ձեռք բերված 0.024հա մակերեսով հողամասի համար կնքել հողամասի առուվաճառքի պայմանագիր:
3.Պարտավորեցնել Արտակ Սպարտակի Ալավերդյանին շինության շինարարական աշխատանքները սկսել հաստատված նախագծային փաստաթղթերի և շինարարության թույլտվության առկայության դեպքում:
4.Սույն որոշումն ուժի մեջ է մտնում ստորագրման օրվանից: