Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 7-րդ կետով, հիմք ընդունելով Հայաստանի Հանրապետության Կոտայքի մարզի Հրազդան համայնքի ավագանու 2018 թվականի օգոստոսի 28-ի N 104-Ն որոշումը և Երեխաների աջակցության հիմնադրամի գործադիր տնօրեն Կամո Առաքելյանի 2024 թվականի սեպտեմբերի 30-ի գրությունը.

     1. Հայաստանի Հանրապետության Կոտայքի մարզի Հրազդան համայնքի ավագանու 2023 թվականի դեկտեմբերի 7-ի «Հրազդան համայնքի 2024 թվականի բյուջեն հաստատելու մասին» N 215-Ն որոշմամբ հաստատված հավելվածի 8.4.2.55 «Քաղաքական կուսակցություններ, հասարակական կազմակերպություններ» ծրագրի «Նվիրատվություններ այլ շահույթ չհետապնդող կազմակերպություններին» 4819 հոդվածով նախատեսված ծախսերից ամսական 60000 (վաթսուն հազար) դրամ տրամադրել Երեխաների աջակցության հիմնադրամի կողմից հիմնված հատուկ կարիքներ ունեցող երեխաների ցերեկային խնամքի և զարգացման կենտրոնին՝ 2024 թվականի նոյեմբերից 2025 թվականի ապրիլ ընկած ժամանակահատվածում՝ ջեռուցման ծախսերը հոգալու համար:

    2. Սույն որոշումն ուժի մեջ է մտնում ստորագրման օրվանից: