Ղեկավարվելով Հայաստանի Հանրապետության հողային օրենսգրքի 67-րդ և 68-րդ հոդվածներով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, «Նորմատիվ իրավական ակտերի մասին» օրենքի 37-րդ հոդվածով,  Կառավարության 2001 թվականի ապրիլի 12-ի թիվ 286 որոշմամբ հաստատված կարգի 5-րդ բաժնի պահանջներով և հիմք ընդունելով «Էս Ջի Էմ Գրանդ» սահմանափակ պատասխանատվությամբ ընկերության 2025 թվականի օգոստոսի 29-ի գրությունը․

1.Աճուրդային կարգով օտարել Հրազդան համայնքին սեփականության իրավունքով պատկանող, Հայաստանի Հանրապետության հողային օրենսգրքի 60-րդ հոդվածի ցանկում չդասվող հողամասերը՝ համաձայն հավելվածի:
   2.Աճուրդի մասնակցության նախավճարի չափը սահմանել մեկնարկային գնի 50%–ի չափով:
   3.Աճուրդի դրված հողամասի մեկ քայլի չափը սահմանել մեկնարկային գնի 5%-ի չափով:
   4.Սույն որոշման գործողության ժամկետը սահմանել 6(վեց) ամիս:
   5.Ուժը կորցրած ճանաչել Հրազդան համայնքի ավագանու 2025 թվականի ապրիլի
10-ի «Հրազդան համայնքին սեփականության իրավունքով պատկանող հողամասերն աճուրդային կարգով օտարելու մասին» №59 և 2025 թվականի մայիսի 13-ի «Հրազդան համայնքին սեփականության իրավունքով պատկանող հողամասերն աճուրդային կարգով օտարելու մասին» №80 որոշումները։
   6․Սույն որոշումն ուժի մեջ է մտնում ստորագրման օրվանից: