Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, Կառավարության 2006 թվականի մայիսի 18-ի թիվ 912-Ն որոշմամբ հաստատված կարգի 4-րդ բաժնի պահանջներով, հիմք ընդունելով Վարազդատ Մելիքյանի 2023 թվականի սեպտեմբերի 27-ի դիմումը, Հրազդանի համայնքապետարանի աշխատակազմի քաղաքաշինության և հողաշինության բաժնի 2025 թվականի հունիսի 6-ի թիվ 31 մասնագիտական եզրակացությունը և հաշվի առնելով կառույցն ու հողամասը կառույցն իրականացրած անձին գնման նախապատվության իրավունքով` ուղղակի վաճառքի միջոցով օտարելու վերաբերյալ 2025 թվականի հոկտեմբերի 14-ի N 3598 գրավոր առաջարկությունը և Վարազդատ Մելիքյանի կողմից տրված 2025 թվականի հոկտեմբերի 17-ի թիվ 6670 գրավոր համաձայնագիրը.

1.Հրազդան համայնքի սեփականություն հանդիսացող Հրազդան քաղաքի Միկրոշրջան թաղամասի 5-րդ փողոց 2-րդ նրբանցք 2 հասցեում գտնվող` 124․13քմ արտաքին մակերեսով բնակելի տունը, 0․30քմ արտաքին մակերեսով պարիսպը ճանաչել օրինական:
2.Հրազդան քաղաքի Միկրոշրջան թաղամասի 5-րդ փողոց 2-րդ նրբանցք 2 հասցեում գտնվող Հրազդան համայնքի սեփականությունը հանդիսացող, սույն որոշման 1-ին կետով օրինական ճանաչված 124․13քմ արտաքին մակերեսով բնակելի տան (անշարժ գույքի նկատմամբ իրավունքների պետական գրանցման վկայական N 04092025-07-0093, գաղտնաբառ՝ PUTLBDMSZ12J) գինը սահմանել 734 000 (յոթ հարյուր երեսունչորս հազար) դրամ, 0․30քմ արտաքին մակերեսով պարիսպի գինը սահմանել 1200 (մեկ հազար երկու հարյուր) դրամ և նույն հասցեում գտնվող կառույցների համար առանձնացված 65․5քմ մակերեսով հողամասինը՝ 291 000 (երկու հարյուր իննսունմեկ հազար) դրամ կադաստրային արժեքով, ուղղակի վաճառքի միջոցով օտարել կառույցն իրականացրած անձ` Կոտայքի մարզի Հրազդան քաղաքի Միկրոշրջան թաղամասի 120 շենքի թիվ 13 բնակարանի բնակիչ Վարազդատ Մելիքյանին (այսուհետ գնորդ):
3.Գնորդը պարտավոր է գնման առաջարկն ընդունելուց հետո 30-օրյա ժամկետում որոշման 2-րդ կետով կառույցների համար սահմանված գումարները վճարել Հրազդան համայնքի բյուջեի 900125001504, իսկ հողամասի համար սահմանված գումարը 900125001140 գանձապետական հաշիվներին:
4.Կառույցների պահպանումը չի խախտում այլ անձանց իրավունքները և oրենքով պահպանվող շահերը կամ վտանգ չի uպառնում քաղաքացիների կյանքին ու առողջությանը, կառուցված չէ ինժեներատրանuպորտային oբյեկտների oտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր uերվիտուտ պահանջելու իրավունք:
5.Որոշման կատարման կազմակերպումն ու վերահսկողությունը վերապահել Հրազդանի համայնքապետարանի աշխատակազմի քաղաքաշինության և հողաշինության բաժնին:
6.Սույն որոշումն ուժի մեջ է մտնում ստորագրման օրվանից: