Որոշման կարգավորման առարկան.
Հրազդան քաղաքի Միկրոշրջան թաղամասի 134 շենքի 10 բնակարանի բնակիչ Էվելինա Գրիգորի Բաղդասարյանը հանդիսանալով տեղական վճար վճարող սուբյեկտ, օրենսդրությամբ սահմանված կարգով չի կատարել տեղական վճար վճարելու պարտականությունը, ինչի կապակցությամբ Կոտայքի մարզի Հրազդանի համայնքապետարանում «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի հիմքով հարուցվել է վարչական վարույթ՝ Հրազդան համայնքի բյուջեի հանդեպ տեղական վճարի պարտավորությունները չկատարելու արդյունքում աղբահանության դիմաց գոյացած տեղական վճարի գումարների գանձումն օրենքով սահմանված կարգով ապահովելու նպատակով: «Վարչարարության հիմունքների և վարչական վարույթի մասին» օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.
Վարչական ակտ ընդունելու համար հիմք հանդիսացող փաստերը.
Համաձայն համայնքապետարանի աշխատակազմի եկամուտների հաշվառման և հավաքագրման բաժնի կողմից տրամադրված տեղեկանքների Հրազդան համայնքի Հրազդան քաղաքի Միկրոշրջան թաղամասի 134 շենքի 10 բնակարանի սեփականատեր Էվելինա Գրիգորի Բաղդասարյանը <<Տեղական տուրքերի և վճարների մասին>> օրենքի 3-րդ հոդվածի 1-ին մասի 2-րդ կետով, 6-րդ հոդվածի 1-ին մասի 1-ին կետով, <<Աղբահանության և սանիտարական մաքրման մասին>> օրենքի 5-րդ հոդվածի 1-ին մասով սահմանված կարգով չի կատարել աղբահանության դիմաց գոյացած տեղական վճար վճարելու պարտականությունները, որի հետևանքով առաջացել է`
2014-2025թթ. աղբահանության դիմաց տեղական վճարի գծով 135850 (հարյուր երեսունհինգ հազար ութ հարյուր հիսուն) ՀՀ դրամ տեղական վճարի պարտավորություն:
«Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի հիմքով հարուցված վարչական վարույթի շրջանակներում 2025 թվականի օգոստոսի 29-ին ժամը 14:30-ին հրավիրվել է վարչական վարույթի լսումների, որին մասնակցելու նպատակով պատշաճ ծանուցվել է (հիմք` 2025 թվականի օգոստոսի 21-ի azdarar.am էլեկտրոնային հայտարարությունների պաշտոնական կայքում տեղադրված հայտարարությունը) Էվելինա Գրիգորի Բաղդասարյանը: Վերջինս վարչական վարույթի լսումներին չի ներկայացել:
Վարչական ակտ ընդունելու հիմնավորումը.
Հայաստանի Հանրապետության Սահմանադրության 60-րդ հոդվածի 8-րդ մասի համաձայն` յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ:
<<Աղբահանության և սանիտարական մաքրման մասին>> օրենքի 5-րդ հոդվածի 1-ին մասի համաձայն աղբահանության վճարը օրենքով նախատեսված վճարողների կողմից աղբահանության դիմաց օրենքով սահմանված դրույքաչափերի սահմաններում համայնքի ավագանու սահմանած չափով համայնքի բյուջե գանձվող պարտադիր գանձույթ է:
Համաձայն «Տեղական ինքնակառավարման մասին» օրենքի 38-րդ հոդվածի 1-ին մասի 3-րդ և 4-րդ կետերի` համայնքի ղեկավարը, որպես սեփական լիազորություն, օրենքով սահմանված կարգով կազմակերպում է տեղական հարկերի, տուրքերի և վճարների, համայնքի վարչական սահմաններում գտնվող համայնքային և պետական սեփականություն հանդիսացող հողերի, համայնքի սեփականություն հանդիսացող գույքի վարձավճարների գանձումն ու վերահսկումը: Տեղական հարկերը, տուրքերը և վճարները չվճարող անձանց նկատմամբ oրենքով սահմանված կարգով կիրառում է համապատասխան միջոցներ:
Ելնելով վերոգրյալից և ղեկավարվելով Հայաստանի Հանրապետության Սահմանադրության 60-րդ հոդվածի 8-րդ մասով, «Տեղական ինքնակառավարման մասին» օրենքի 38-րդ հոդվածի 1-ին մասի 3-րդ և 4-րդ կետերով և «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետով, 34-րդ, 53-րդ, 58-60-րդ և 89-րդ հոդվածներով՝

1. Էվելինա Գրիգորի Բաղդասարյանից հօգուտ Հրազդան համայնքի բյուջեի գանձել ընդհանուր՝ 135850 (հարյուր երեսունհինգ հազար ութ հարյուր հիսուն) ՀՀ դրամ չվճարված աղբահանության դիմաց տեղական վճարի պարտավորությունների գումար:
2. Սույն որոշումը կարող է բողոքարկվել՝ «Վարչարարության հիմունքների և վարչական վարույթի մասին» ՀՀ օրենքի 70-րդ և ՀՀ վարչական դատավարության օրենսգրքի 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում։
3. Սույն որոշման պահանջները չկատարելու դեպքում, «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով, այն ենթակա է հարկադիր կատարման` ՀՀ ԱՆ Հարկադիր կատարումն ապահովող ծառայության միջոցով` անբողոքարկելի դառնալուց հետո եռամսյա ժամկետում:
4. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am-ի կամ համայնքապետարանի տեղեկագրում հրապարակելու միջոցով: