Համաձայն «Իրավական ակտերի մասին» Հայաստանի Հանրապետության օրենքի 20-րդ հոդվածի 1-ին կետի, «Տեղական ինքնակառավարման մասին» Հայաստանի Հանրապետության օրենքի 18 հոդվածի 1-ին մասի 42 կետի, Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետի, Հայաստանի Հանրապետության կառավարության 2011 թվականի դեկտեմբերի 29-ի N1920-Ն որոշման, «Քաղաքաշինության մասին» Հայաստանի Հանրապետության օրենքի 14.3 հոդվածի 8-րդ և 9-րդ մասերի, հիմք ընդունելով Հայաստանի Հանրապետության համայնքների /բնակավայրերի/ քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի Հրազդան համայնքի գլխավոր հատակագծի փոփոխության վերաբերյալ 2018 թվականի մարտի 05-ի N31 դրական եզրակացությունը և համայնքի ղեկավարի առաջարկությունը. 1.Հրազդան քաղաքի վարչական սահմաններում գտնվող՝ Հարավային թաղամասի Երևան-Սևան մայրուղի թիվ 51 հասցեում համայնքային սեփականություն համարվող (անշարժ գույքի նկատմամբ իրավունքների պետական գրանցման վկայական՝ N08022018-07-0069, գաղտնաբառ՝ ZRSSD1KSH1A1) 24.2784հա ընդհանուր մակերեսով հողամասի, որից՝ 22.7727 հա մակերեսով արդյունաբերության, ընդերքօգտագործման և այլ արտադրական նշանակության հողամասի և 1.5057հա մակերեսովգյուղատնտեսական նպատակային նշանակության այլ հողատեսքի, նպատակային նշանակությունը փոփոխել էներգետիկայի, տրանսպորտի, կապի, կոմունալ ենթակառուցվածքների օբյեկտների հողերի, գործառնական նշանակությունը՝ կոմունալ ենթակառուցվածքների, աղբավայր կառուցելու նպատակով: |