Համաձայն «Տեղական ինքնակառավարման մասին» Հայաստանի Հանրապետության օրենքի 18 հոդվածի 1-ին մասի 21 կետի, Հայաստանի Հանրապետության հողային օրենսգրքի 65 հոդվածի 6-րդ մասի, Հայաստանի Հանրապետության ազգային ժողովի 2016 թվականի հունիսի 30-ի որոշման, Հայաստանի Հանրապետության Կառավարության նիստի 2016 թվականի հունիսի 9-ի N22 արձանագրության 27 կետի և հիմք ընդունելով համայնքի ղեկավարի առաջարկությունը․ 1. Հայաստանի Հանրապետության Կոտայքի մարզի Հրազդան քաղաքի Հարավային թաղամասի Երևան-Սևան մայրուղի թիվ 51 հասցեում գտնվող համայնքային սեփականություն հանդիսացող, էներգետիկայի, տրանսպորտի, կապի, կոմունալ ենթակառուցվածքների օբյեկտների հողերի նպատակային նշանակության, կոմունալ ենթակառուցվածքների գործառնական նշանակության, 24.2784 հա մակերեսով հողամասը (կադաստրային ծածկագիր՝ 07-001-0763-0003) անհատույց սեփականության իրավունքով, որպես նվիրաբերություն, տրամադրել «ԿՈՏԱՅՔԻ ԵՎ ԳԵՂԱՐՔՈՒՆԻՔԻ ԿԿԹԿ» սահմանափակ պատասխանատվությամբ ընկերությանը այդ հողամասում, «Կոտայքի և Գեղարքունիքի կոշտ թափոնների կառավարման» ծրագրի շրջանակներում, աղբավայր կառուցելու նպատակով:
2. Սույն որոշման 1-ին կետով նախատեսված 24.2784 հա մակերեսով հողամասը, որպես նվիրաբերություն, տրամադրել «ԿՈՏԱՅՔԻ ԵՎ ԳԵՂԱՐՔՈՒՆԻՔԻ ԿԿԹԿ» սահմանափակ պատասխանատվությամբ ընկերությանը Հայաստանի Հանրապետության կառավարության համաձայնության առկայության դեպքում:
3. Հայաստանի Հանրապետության օրենսդրությամբ սահմանված կարգով կնքել գույքի նվիրաբերության պայմանագիր: |