Համաձայն «Իրավական ակտերի մասին» Հայաստանի Հանրապետության օրենքի 20-րդ հոդվածի 1-ին կետի, «Տեղական ինքնակառավարման մասին» Հայաստանի Հանրապետության օրենքի 18 հոդվածի 1-ին մասի 42 կետի,Հայաստանի Հանրապետության հողային օրենսգրքի 3-րդ հոդվածի 1-ին մասի 1-ին կետի, 7-րդ հոդվածի 8-րդ մասի 1-ին կետի, հիմքընդունելով Հայաստանի Հանրապետության կառավարության 2011 թվականի դեկտեմբերի 29-ի N1918-Ն և N1920-Ն որոշումները, Հայաստանի Հանրապետության համայնքների /բնակավայրերի/ քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի Հրազդանի համայնքի գլխավոր հատակագծի փոփոխության վերաբերյալ 2017 թվականի մայիսի 30-ի N71 դրական եզրակացությունը, «Ռեպ Քառ» սահմանափակ պատասխանատվությամբ ընկերության 2017 թվականի մայիսի 02-ի դիմումը և համայնքի ղեկավարի առաջարկությունը. 1.Հրազդան քաղաքի վարչական սահմաններում գտնվող՝ Ջրառատ թաղամասում «Ռեպ Քառ» սահմանափակ պատասխանատվությամբ ընկերությանը սեփականության իրավունքով պատկանող (անշարժ գույքի նկատմամբ իրավունքների պետական գրանցման վկայական N28042017-07-0098, գաղտնաբառ՝ Y9BXGESZXWNW) գյուղատնտեսական նպատակային նշանակության արոտավայրերից 1․4999հա մակերեսով հողամասի նպատակային նշանակությունը գյուղատնտեսականից փոփոխել էներգետիկայի, տրանսպորտի, կապի, կոմունալ ենթակառուցվածքների օբյեկտների հողերի, իսկ գործառնական նշանակությունը՝ էներգետիկայի, 1.0ՄՎտ հզորությամբ արևային ֆոտովոլտային կայան կառուցելու նպատակով: 2.«Ռեպ Քառ» սահմանափակ պատասխանատվությամբ ընկերությունը եռամսյա ժամկետում համայնքային բյուջե վճարի 1.4999հա մակերեսով հողամասի՝ նպատակային նշանակության փոփոխման պահին առկա կադաստրային արժեքի տարբերությունը: |