Սույնով Հրազդանի համայնքապետարանը հրավիրում է բոլոր շահագրգիռ  ֆիզիկական և իրավաբանական անձանց մասնակցելու 2023 թվականի օգոստոսի 18-ից մինչև սեպտեմբերի 1-ը ներառյալ կազմակերպվող Հրազդան համայնքի ավագանու` «Հրազդան համայնքի 2024 թվականի միջնաժամկետ ծախսերի ծրագրի մասին» և «Հրազդան համայնքի 2024 թվականի բյուջեն հաստատելու մասին» որոշումների նախագծերի վերաբերյալ կազմակերպվող հանրային քննարկմանը:

Շահագրգիռ անձինք համայնքի պաշտոնական համացանցային կայքում հրապարակված Հրազդան համայնքի ավագանու` «Հրազդան համայնքի 2024 թվականի միջնաժամկետ ծախսերի ծրագրի մասին» և «Հրազդան համայնքի 2024 թվականի բյուջեն հաստատելու մասին» որոշումների նախագծերի վերաբերյալ իրենց առաջարկություններն ու դիտողությունները կարող են մինչև 2023 թվականի սեպտեմբերի 1-ը ներառյալ ուղարկել info@hrazdan.am էլեկտրոնային հասցեով, ինչպես նաև գրավոր ներկայացնել Հրազդանի համայնքապետարան:

Հանրային քննարկման ընթացքում՝ 2023 թվականի սեպտեմբերի 4-ին ժամը 15:00-ին Հրազդան, Կենտրոն Սահմանադրության հրապարակ 1, Վարչական շենքի հինգերորդ հարկում  տեղի կունենան հանրային բաց լսումներ:  

Լրացուցիչ տեղեկություններ ստանալու համար զանգահարել 060704010 հեռախոսահամարով: