Բովանդակություն * | Հերթական խորհրդակցությանը ներկա էին համայնքի ղեկավարի առաջին տեղակալը, աշխատակազմի քարտուղարը, բաժնի պետեր, վարչական ղեկավարներ, համատիրությունների նախագահներ, ինչպես նաև «Մուլտի տրանսպորտ» ՍՊԸ-ի տնօրեն Արթուր Դալլաքյանը: Տեղի ունեցավ քննարկում «Մուլտի տրանսպորտ» ՍՊԸ-ի տնօրեն Արթուր Դալլաքյանի հետ Հրազդան-Երևան երթուղու խնդրի վերաբերյալ և համայնքի ղեկավարի նախաձեռնությամբ նշված հարցին տրվեց ժամանակավոր լուծում՝ նախքան համապատասխան տրանպորտային միջոցների մատակարարումը: Տեղեկացվեց, որ լուծվել է Շահումյան փողոցի 1-ին նրբանցքի արտաքին լուսավորության հարցը: Տրվեց հանձնարարական լինելու ավելի հետևողական Կոճոռ թաղամասի ՝ մասնավորապես ճանապարհների հարթեցման և բարեկարգման աշխատանքների հարցում: «Հրազդան դրամատիկական թատրոն-մշակութային կենտրոն» ՀՈԱԿ-ի տնօրենի կողմից տեղեկացվեց, որ սեպտեմբերի 30-ին Հրազդանի դրամատիկական թատրոնն իր մասնակցությունն է ունենալու Վանաձորում կայանալիք Աբելյանական 4-րդ հանրապետական թատերական փառատոնին: |