Համաձայն Հայաստանի Հանրապետության Հողային օրենսգրքի 3-րդ հոդվածի 1-ին մասի 1-ին կետի, 7-րդ հոդվածի 8-րդ մասի 1-ին կետի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, «Քաղաքաշինության մասին» օրենքի 143-րդ հոդվածի 8-րդ և 9-րդ մասերի, Կառավարության 2011 թվականի դեկտեմբերի 29-ի N1918-Ն և N1920-Ն որոշումների, հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի, Կոտայքի մարզի Հրազդան քաղաքի գլխավոր հատակագծում առանձին հողամասի նպատակային և գործառնական նշանակության փոփոխության վերաբերյալ, 2020 թվականի սեպտեմբերի 01-ի N 1/փ-83 դրական եզրակացությունը և Տիգրան Եղոյանի լիազոր անձ Արշակ Մկրտչյանի 2020 թվականի փետրվարի 24-ի դիմումը.
1.Հրազդան քաղաքի վարչական սահմաններում գտնվող, Երևան քաղաքի Հալաբյան փողոցի 30 շենքի 20 բնակարանի բնակիչ Տիգրան Եղոյանին սեփականության իրավունքով պատկանող (անշարժ գույքի նկատմամբ իրավունքների պետական գրանցման վկայական N11042018-07-0022, գաղտնաբառ՝ ACUNNNAASKF4) Հարավային թաղամասի գյուղատնտեսական նպատակային նշանակության արոտավայրերից 2.0 հա մակերեսով հողամասի նպատակային նշանակությունը գյուղատնտեսականից փոփոխել էներգետիկայի, կապի, տրանսպորտի, կոմունալ ենթակառուցվածքների օբյեկտների հողերի, իսկ գործառնական նշանակությունը՝ էներգետիկայի, 1.204ՄՎտ հզորությամբ արևային ֆոտովոլտային կայան կառուցելու նպատակով:
2 Տիգրան Եղոյանին՝ եռամսյա ժամկետում համայնքային բյուջե վճարել 2.0 հա մակերեսով հողամասի նպատակային նշանակության փոփոխման պահին առկա կադաստրային արժեքի տարբերությունը:
3.Սույն որոշումն ուժի մեջ է մտնում ստորագրման օրը: