Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 19-րդ կետի, <<Տեղական տուրքերի և վճարների մասին>> օրենքի 8-րդ հոդվածի 2-րդ մասով, 16-րդ հոդվածով, <<Հուղարկավորությունների կազմակերպման և գերեզմանատների ու դիակիզարանների շահագործման մասին>> օրենքի 10-րդ հոդվածի 4-րդ մասով և Կառավարության 2006 թվականի նոյեմբերի 23-ի թիվ 1910-Ն որոշման 1-ին կետի է) ենթակետով հաստատված 7-րդ հավելվածով՝ 1. Հրազդան համայնքի վարչական տարածքում գործող համայնքային գերեզմանատներում վճարովի հիմունքներով հատկացվող հողատարածքի արժեքը սահմանել 5000 (հինգ հազար) դրամ մեկ քառակուսի մետրի համար: 2. Հրազդան համայնքի վարչական տարածքում գործող համայնքային գերեզմանատներում հուղարկավորությունների կազմակերպման ընթացքում գերեզմանոցների տեղհատկացման և չափագրությունների ծառայության վճարը սահմանել 3000 (երեք հազար) դրամ: 3. Հայաստանի Հանրապետության զինված ուժերում ծառայողական պարտականությունների կատարման ժամանակ զոհված (մահացած) զինծառայողների և վերջիններիս հետ բնակվող ընտանիքի անդամների հուղարկավորությունների դեպքում սույն որոշմամբ սահմանված վճարները գանձման ենթակա չեն: 4. Սույն որոշումն ուժի մեջ է մտնում 2021 թվականի հունվարի 1-ին: |